Tre persona të gjetur në më pak se 48 orë. Ky është rezultati, që është arritur pas publikimit të njoftimeve në redaksinë e JOQ ALBANIA. Më 17 tetor, JOQ publikoi humbjen e kontakteve me familjarët për dy persona.
Fillimisht, ishte një e moshuar, e cila vuante nga humbja e kujtesës dhe ishte larguar nga banesa pa mbajtur mend se ku të kthehej. Djali i saj kontaktoi me redaksinë e JOQ ALBANIA dhe pas marrjes së të dhënave, stafi ynë, publikoi njoftimin.
Dy orë më vonë, djali i të moshurës na shkruan që nënën e gjeti shëndoshë e mirë në një banesë në Durrës. Ishte një i ri nga Durrësi, ai, i cili e njoftoi djalin e të moshurës dhe u bë e mundur gjetja e saj.
Pak orë më vonë, në redaksinë e JOQ mbërrin një tjetër njoftim. Bëhej fjalë për një të mitur me autizëm, nga Tirana, i cili kishte humbur kontaktet me familjen dhe i kishte merakosur të gjithë.
Menjëherë, JOQ, publikoi njoftimin dhe në më pak se dy orë, familjari na njoftoi që i mituri u gjet. Ai ishte marrë nga një vajzë tek “Rruga e Elbasanit”, e cila, pasi kishte parë postimin në JOQ, njoftoi familjen dhe po kujdesej për të derisa ata të mbërrinin.
Ndërsa ditën e djeshme, mbërriti, një tjetër raportim. Bëhej fjalë për një grua, e cila, ishte nisur nga Greqia për në Shqipëri, por kishte humbur kontaktet me familjen.
Dy orë më vonë, vajza e gruas që kishte humbur, na jep lajmin e mirë. 55-vjeçarja ishte gjetur në Romë, pasi ajo ishte nisur drejt Norvegjisë tek djali i saj, por për shkak të mungesës së gjuhës kishte mbetur në Itali.
Njoftimi i familjarëve u bë nga një emigrante shqiptare, e cila e kishte parë postimin në profilin e JOQ ALBANIA.
Ky është rezultati më i mirë i arritur nga publikimet në JOQ, por këto vepra të mira nuk janë të vetmet.
Në 7 tetor, u gjet pas një ore, falë publikimit në JOQ, Afërdita Gaxha. 54-vjeçarja kishte humbur prej dy ditësh, por vetëm me një orë postim, ajo u kthye tek familjarët. Afërdita kishte përfunduar në spital, pas një problemi shëndetësor që kishte.
Në 2 Tetor, u bë e mundur gjetja e Islam Nenadës. Burri nga Tirana, kishte humbur kontaktet me familjarët dhe pas publikimit në JOQ, djali i Islamit, na raportoi se arriti ta gjente babain.
Pas çdo rasti të arritur me sukses nuk kanë fund falënderimet nga familjarët e personave të humbur, por ndihma ndaj qytetarëve është misioni i stafit të JOQ ALBANIA dhe është detyra jonë që t'i përkushtohemi çdo problemi qytetar.