Postat private në Shqipëri janë shtuar shumë së fundmi, për shkak edhe të shumë bizneseve që operojnë online dhe porositë zakonisht i marrin nga Facebook dhe Instagram. Mirëpo, mesa duket, problemet me postat private, janë të ndryshme. Dy ditë më parë, administratorja e një kompanie, ka denoncuar postën private ADEX, pasi porosia i është kthyer nga klienti, duke qenë se një pako çokollatash është dërguar e përgjysmuar.
Thënë shkurt, postieri, apo pjesëtarë të postës ADEX, kanë hapur pakon, që ishte një kuti me çokollata dhe kanë ngrënë disa nga këto të fundit.
Më pas, kutia është nisur për tek klienti, i cili, kur e ka parë pakon në atë gjendje e ka kthyer mbrapsht për tek kompania ku e ka porositur. Mirëpo, administratorja është habitur kur e ka marrë vesh dhe ka dashur të kuptojë arsyen e refuzimit.
Kur sheh se çfarë kishte ndodhur dhe se kutia e çokollatave ishte pothuajse në gjysmë, i shkruan postës ADEX. Këta të fundit, si fillim, përgjigjen se do ta ndihmojnë administratoren dhe do ta zgjidhin situatën, por deri më sot nuk ka asnjë përgjigje.
Lidhur me rastin, JOQ ALBANIA, tentoi të merrte një reagim nga kompania ADEX, por gjithashtu nuk morëm asnjë përgjigje.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Qytetari nga Tirana
Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
Vajza nga Shkodra
Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
I moshuari invalid
I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
I riu guximtar
I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
Djali i pastrehë
Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
Dy vajza zemërgjera
Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
