Parku i madh i Tiranës ose siç njihet ndryshe për banorët si Parku i Liqenit Artificial, është një nga zonat më të frekuentuara të qytetit. Në liqen ndodhen edhe fusha sporti, që deri para 3 ditësh frekuentoheshin nga sportdashësit pa pagesë. Sipas një qytetari që nga 1 tetori fushat në Parkun e Liqenit Artificial janë bërë me pagesë. Tarifa është vendosur nga këshilli bashkiak i Tiranës. Qytetari thotë se është i gatshëm të paguajë edhe tarifën, por fusha nuk plotëson kushtet e një ambienti sportiv pasi në kohë me shi dhe erë të fortë është e pamundur që të luhet. Në videot e dërguara nga qytetari shihet që të rinjtë në pamundësi për të paguar tarifën e vendosur nga Bashkia Tiranë, kanë nisur të luajnë jashtë fushës. Çmimi 1300 lekë i vendosur nga Bashkia Tiranë për të personat që dashurojnë sportin që të futen në fushat e Liqenit Artificial, është një skandal i vërtetë që ndodh vetëm në Shqipëri pasi në vendet e botës fushat e bashkisë janë te hapura si ambient argëtimi sportiv. Qytetari duke denoncuar këtë turp, u bën thirrje të gjithë qytetarëve të ngrenë zërin sepse nëse nuk e bëjnë së shpejti edhe oksigjenin do ta kenë me para.
Qytetari:
Fushat e liqenit tek liqeni jane bere me pagese. Eshte vertet per te ardhur keq. Une personalisht kam investuar vet nje buxhet modest per te vendosur rrjetat e basketbollit. Me vjen vertet keq. Tarife e vendosur nga keshilli bashkiak. Turp i madh ne cdo vend te botes fushat e bashkise jane te hapura si ambjent argetimi sportiv. Ne Shqiperi, kryesisht ne Tirane jo vetem qe jane kthyer ne pallate por dhe nje fushe e vetme mes liqenit Artificial kthehet me tarifë. Okey. E paguajme dhe tarifen por ne Dimer nuk luhet nga shirat dhe erërat e forta. Pra sidoqofte tarifa nuk i justifikon kushtet e ambjentit sportiv. Ju bej me thirrje qe te ngrejme zerin sepse keshtu sic po vazhdon dhe oksigjeni do kthehet me para. TURP I MADH. Ka 3 dite, qe me 1 tetor. Me par ka qene falas tani nuk hyn asnje pa bilete. Pyetem tek kabina ku paguan bileten, e ka vendos keshilli bashkiak na thane.
