E mbani mend shfaqjen e Bledi Çuçit, i cili shkoi në pallatin që po ndërtohej nga Pëllumb Salillari në Farkë dhe që prej atje theksoi se nuk ka më paligjshmëri në lidhje me ndërtimet?! Kanë kaluar shumë pak kohë nga ajo ditë dhe Pëllumb Salillari, jo vetëm që nuk është në burg për ndërtim pa leje, por po gllabëron mirë lekët e shqiptarëve me bekimin e qeverisë së Rilindjes.
Pas tenderit nga KESH i Ergys Verdhos, Pëllumb Salillari ka marrë më shumë se 4.5 miliardë lekë për rijetësimin dhe përmirësimin e vlerave të kushteve të kalasë së Tepelenës. Nuk është për të qeshur miq, por Dritan Agolli, drejtori i Fondit Shqiptar të Zhvillimit, në dokumenat e tenderit është shprehur se kalaja nuk është ndërtuar mirë në kohën e Ali Pashë Tepelenës dhe duhet të rijetësohet, duke i mbushur xhepat me lëkë Pëllumb Salillarit.
Normalisht, këto lekë nuk i merr vetëm Salillari, por ndahen te të gjithë aktorët që janë pjesë e kësaj shfaqeje me regjisor, kryeministrin e Shqipërisë, Edi Ramën.
Më konkretisht bëhet fjalë për tenderin me këtë numër reference “REF-35137-07-01-2022” dhe me objekt “Nderhyrje ne zona historike per forcimin e potecialit turistik, kala, ura, qendra historike, pazare, fasada, etj (rajoni 3 dhe 4) – Rijetëzimi dhe përmirësimi i vlerave të Kalasë së Tepelenës”.
Në garë kanë marrë pjesë dy kompani dhe fituese është shpallur Salillari, dhe kjo ndoshta si një shpagim, për ‘qederin’ që i bënë në lidhje me ndërtimin e pallatit.
Fondi limit i këtij tenderi ka qenë 5.4 miliardë lekë dhe Salillari ka fituar me ofertën prej 4.5 miliardë, pa TVSH.
E gjitha kjo miq tregon se si një qeveri që është votuar nga shqiptarët, vendos në plan të parë shërbimet ndaj oligarkëve dhe jo interesin qytetar. Për më tepër, leterat e tenderave, po stisen në mënyrë qesharake, çka tregon se tallja e tyre me shqiptarët që po varfërohen shumë e më shumë po kalon çdo limit.
Se deri kur do shkojë kjo nuk i dihet. E nëse po prisni nga SPAK-u, mos shpresoni kot, ata kanë një pjesë të mirë të thelës së madhe të taksapaguesve shqiptarë.
