Policia ka arrestuar dy të rinj nga Peqini. Konkretisht shtetasi A. D., 23 vjeç, banues në Peqin, dhe A. H., 18 vjeç, banues në Peqin, janë arrestuar pasi morën peng një vajzë, duke e çuar në një objekt të pabanuar dhe më pas kanë ushtruar dhunë ndaj saj. 23 vjeçari i akuzuar për veprat penale “Heqja e paligjshme e lirisë”, “Kanosja” dhe 18 vjeçari i akuzuar për “Plagosje e lehtë me dashje”, të kryera në bashkëpunim i akuzuar për veprat penale “Heqja e paligjshme e lirisë”, “Kanosja”, “Plagosja e lehtë me dashje”, të kryera në bashkëpunim dhe “Prodhimi, mbajtja, blerja apo shitja pa leje e armëve të ftohta”, do të dënohen nga Gjykata.
Policia Kavajë
Falë bashkëpunimit me qytetarët dhe ndërhyrjes në kohë nga shërbimet e Policisë, arrestohen në flagrancë 2 shtetas që i hoqën lirinë një shtetaseje dhe ushtruan dhunë ndaj saj.
Shërbimet e Komisariatit të Policisë Kavajë, pas marrjes së njoftimit nga qytetarët se dy shtetas i kishin hequr lirinë një shtetaseje, menjëherë kanë organizuar punën për kapjen e autorëve të dyshuar.
Falë veprimeve profesionale policore nga specialistët për Hetimin e Krimeve në Komisariatin e Policisë Kavajë, janë arrestuar në flagrancë, në një kohë rekord, shtetasit:
– A. D., 23 vjeç, banues në Peqin, për veprat penale "Heqja e paligjshme e lirisë", "Kanosja" dhe "Plagosja e lehtë me dashje", të kryera në bashkëpunim;
– A. H., 18 vjeç, banues në Peqin, për veprat penale "Heqja e paligjshme e lirisë", "Kanosja", "Plagosja e lehtë me dashje", të kryera në bashkëpunim dhe "Prodhimi, mbajtja, blerja apo shitja pa leje e armëve të ftohta".
Këta shtetas, në bashkëpunim me njëri-tjetrin, ditën e djeshme, i kanë hequr lirinë një shtetaseje 17 vjeçe, duke e mbajtur në një ambient që aktualisht nuk është në përdorim, si dhe kanë ushtruar dhunë ndaj saj. Gjatë kontrollit fizik ndaj shtetasit A. H., shërbimet e Policisë gjetën dhe sekuestruan, në cilësinë e provës materiale, një dorezë metalike (përforcues grushti).
Materialet i kaluan Prokurorisë, për veprime të mëtejshme procedurale.