Fenomeni i plehrave në rrugët është prezentë kudo në kryeqytetin e Shqipërisë, Tirana. Rezulton se kryebashkiaku jo vetëm që nuk ka dhënë zgjidhje për këtë problem ekzistent prej kohësh, por mbeturinat kanë nisur të mbushin rrugët e shumë lagjeve në zona të frekuentuara të Tiranës. Një qytetar i shqetësuar nga ky hall i madh për shumicën e banorëve të Tiranës, ka shkruar pranë redaksisë së JOQ Albania dhe ka dërguar me foto ku fakton gjendjen skandaloze në Qytet Studentit, konkretisht në rrugën Gramoz Pashko.
Qytetari për JOQ:
Fusha e qytetit studenti qe eshte premtuar rama e veliaj ka ca vite por u harrua. Ngeli ne letër. Rruga Gramoz Pashko bllokuar nga plehrat.
Siç shihet në këtë rrugë kazanët qëndrojnë të tejmbushur, ndërsa plehrat kanë nisur të shpërndahen në rrugë. Si duket taksat tona shkojnë dëm dhe nuk shfrytëzohen që kazanët të pastrohen dhe Tirana të jetë një kryeqytet i pastër. Kujtojmë se një nga premtimet që Erion Veliaj përmendim më shumë gjatë fushatës për kryetar të bashkisë së Tiranës ishte pikërisht pastrimi i qytetit nga papastërtitë, por me marrjen e pushtetit Veliaj ka harruar premtimet dhe po shijon i qetë karrigen e kryebashkiakut, por pa bërë asgjë për qytetarët e Tiranës që t’u ofrojë atyre një ambient të pastër dhe larg mbeturinave.
