Emiriana Sako, kryetarja e Bashkisë Durrës, në vend që të merrej nën hetim nga “gjumashi” i SPAK-ut, vazhdon pa ndalim me bëmat e saj. Kësaj rradhe dëmi ndaj komunitetit shkon përtej abuzimit me tenderat, pasi ajo ka dëmtuar dinjitetin e fëmijëve në nevoje.
Në një dalje propagandistike publike, Sako ka publikuar fytyrat e shumë fëmijëve në gjendje jo të mirë eknomike pasi “i gënjeu” me disa lapsa e stilolapsa”. Ndihma ndaj komunitetit dhe familjeve në nevojë është natyrisht gjithmonë e mirëpritur, por të shfrytëzosh fëmijët për propagandë dhe t’u publikosh fytyrat është një poshtërim i dinjitetit të këtyre fëmijëve.
Përse shokët dhe shoqet e tyre duhet ta dinë se ata janë fëmijë të varfër? A nuk do të ndikonte kjo në marrëdhëniet sociale mes tyre? A ia vlen të ulësh dinjitetin e këtyre fëmijëve thjesht për disa foto propagandistike që duan të tregojnë se po ndihmohen nga Emiriana, kur në fakt po “gënjehen” me vetëm disa lapsa e stilolapsa?
Shënim: Fytyrat e fëmijëve në këtë artikull janë fshirë nga Joq Albania, pasi në faqen zyrtare të Emiriana Sakos gjenden të plota e të pacensuruara.
