Në muajin shtator, shumë nëna do të dërgojnë për herë të parë në kopësht dhe çerdhe fëmijët e tyre në Tiranë. Mirëpo, pa marrë ende shërbimin e ofruar nga vetë shteti, në dyert e kopështeve dhe çerdheve, nënat po përballen me kërkesat për të dhënë lekë.
Në redaksinë e JOQ ALBANIA ka mbërritur së fundmi denoncimi i një nëne, së cilës në Çerdhen nr.11 në Laprakë i kanë kërkuar 100 mijë lekë të vjetra për fëmijën.
50 Mijë lekë të vjetra do të paguhen si detyrim dhe deri këtu gjithçka është e pranueshme, ndërsa 50 mijë të tjera do të paguhen tek Çerdhja, pa asnjë faturë. Pagesa e parë bëhet nëpërmjet një mandati në postë ose në bankë dhe më pas dorëzohet, ndërsa pagesa e dytë do të bëhet dorazi, duke mospatur aspak garanci se ku do shkojnë këto lekë.
Në çerdhe thuhet se ky është një kontribut vullnetar nga prindi, por nëna shton se po bëhet me detyrim. Gjithashtu, vlera është shumë e lartë, pasi më herët kontributi nga prindërit ka qenë 10 mijë lekë të vjetra.
Ndër të tjera theksohet, se nënat, çdo muaj, dërgojnë materiale të ndryshme në çerdhe si letra të lagura, kartopiceta etj.
Denoncimi:
Cerdhja nr 11 ne Laprak i kerkon prinderve te kontriubojne me 50 mije lek me qellim plotesimin e nevojave te cerdhes dhe kopshteve. Ky kontribut duhet te behet me lek ne dore, pa fature dhe eshte me detyrim. Vetem kjo cerdhe e ka si praktik. Dhe nuk te informojme fare se cfare behet me ato leket sepse ne cdo muaj kemi detyrim te cojme materiale si letra te lagura, kartopicita etj etj.
Ndërkohë në një reagim për JOQ ALBANIA, drejtoresha e çerdhes thotë se kontributi është me dëshirë. Sipas saj, kush ka mundësi jep një kontribut i cili mblidhet dhe administrohet nga një bord me prindër për nevojat në çerdhe.
Reagimi:
Jam Drejtoresha e Çerdhes nr.11! Në fillim të vitit prindërve u kërkohen mjete didaktike sepse në çerdhe ka program edukativ që ka ngjyrosje e krijime të cilat kërkojnë bazë materiale. Nuk kërkon askush 50 mijë lekë nën dorë. Në fillim të vitit prindërve u kërkohen mjete didaktike sepse në çerdhe ka program edukativ që ka ngjyrosje e krijime të cilat kërkojnë bazë materiale. Kush dëshiron, i sjell ato që nevojiten (letra me ngjyra, letra a4, ngjyra, plastelinë, gërshërë,etj). Kush nuk ka mundësi, jep një kontribut i cili mblidhet dhe administrohet nga një bord me prindër për nevojat në çerdhe.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Leli Alushaj
Leli Alushaj, kamarieri i një restoranti në Tiranë, i cili me ndërhyrjen e tij të shpejtë i shpëtoi jetën një turisteje spanjolle, teksa ajo po mbytej.
Robert Neçaj
Roja bregdetare, i cili shpëtoi nga mbytja në plazhin e Shëngjinit dy persona, motër e vëlla, teksa dhe vetë përfundoi në spital. Ai u dëmtua shumë gjatë aksionit të tij të shpëtimit, por sot, fatmirësisht gëzon shëndet të plotë.
Andi
Roje bregdetare në Sarandë, i cili shpëtoi nga mbytja, babë e bir. Pamjet se si ai nxirrte nga uji babë e bir u bën virale dhe u shpërndanë edhe në faqet e JOQ ALBANIA.
Djali i mitur
Djali i mitur, që shet lule pranë qendrës së Tiranës, për të siguruar libra dhe rroba për shkollë. Ai ulet në trotuar dhe u kërkon qytetarëve që të blejnë lulet e tij.
