Në 6 muaj e parë të vitit 2022, sipërfaqja që është dhënë për kulla e pallate nga Bashkia Tiranë është një rekord i ri personal i kryebashkiakut Erion Veliaj.
INSTAT raporton se për periudhën janar-qershor 2022, 1.2 MLN m2 është sipërfaqja e dhënë nga bashkia për leje ndërtimi.
Krahasuar me të njëjtën periudhë të një viti më parë, kjo është një rritje me 45%.
“Bashkia Tiranë nuk ka bërë një plan për qytetarët, për banorët por ka bërë një plan për godinat. Kjo është mënyra më e gabuar ose më e keqe e kontrollit të zhvillimit ndërtimor. Në çdo sektor të zhvillimit të Shqipërisë është implikuar modeli territorial shumë i gabuar, gati-gati kriminal që po ndërtohet në Shqipëri prej të paktën një dekade,”-ka deklaruar urbanisti Gent Kaprata.
Sipas tij, ky është një model i gabuar që po ndiqet përgjatë viteve të fundit.
INSTAT raporton se sipërfaqja e dhënë për leje ndërtimi ka një vlerë prej 530 MLN €. Këto leje të dhëna nga Veliaj në Tiranë zënë 70% të totalit të tyre në gjithë territorin.
