Një vajzë 3-vjeçare u zgjua gjatë funeralit të saj përpara se të shpallej zyrtarisht e vdekur pasi mjekët gabimisht supozuan se ajo kishte vdekur herën e parë.
Familja e Camila Roxana Martinez Mendoza ka hedhur akuzua mbi Spitalin e Komunës së Hidalgos për neglizhencë pasi thuhet se e deklaroi vogëlushen të vdekur gabimisht.
3-vjeçarja kishte dhimbje stomaku, të vjella dhe temperaturë kur nëna e saj, Mary Jane Mendoza, e çoi atë tek një pediatër.
Mjeku e përshkallëzoi çështjen dhe rekomandoi që fëmija të dërgohej në spital në shtetin meksikan të San Luis Potosí për t'u trajtuar për dehidrim.
Mjekët i vendosën një peshqir të ftohtë mbi trup për t’i ulur temperaturën dhe vendosën një oksimetër pulsi në një nga gishtat e saj për të ruajtur gjurmët e niveleve të saj të oksigjenit.
Camila u përcoll nga spitali me një recetë për paracetamola por u përkeqësua gjatë ditës. Ajo u vizitua nga një mjek tjetër, i cili e udhëzoi nënën e saj t'i jepte fruta dhe ujin dhe i dha një mjekim tjetër.
Vogëlushja u deklarua e vdekur gati 12 orë para kohës së saj zyrtare të vdekjes.
Të nesërmen, u mbajt një funeral për miqtë dhe familjen për të mbajtur zi për vogëlushen kur e ëma vuri re se dritarja e xhamit të arkivolit po mjegullohej.
Të pranishmit e tjerë të funeralit i thanë nënës së shqetësuar se kishte halucinacione dhe e penguan atë të hapte arkivolin. Megjithatë, gjyshja nga babai i Camilas thuhet se nxitoi për ta parë nga afër kur vuri re sytë e Camila-s po lëviznin.
Camila u kthye me urgjencë me ambulancë në spitalin Salinas, ku mjekët u përpoqën pa sukses ta ringjallnin dhe e deklaruan të vdekur përsëri, këtë herë nga një edemë cerebrale (ënjtje e trurit).
Familja po planifikonte ta dërgonte Camilën kopësht për herë të parë këtë javë.
