Mbrëmjen e djeshme, 29-vjeçarja Elinta Garo që po udhëtonte me një mjet tip Peugeot, humbi kontrollin duke parë telefonin dhe hipi në trotuar duke përplasur rëndë dy persona, konkretisht një çift bashkëshortësh, Bagzan dhe Valentina Hysa.
Veç tyre plagosi lehtë një 27-vjeçare dhe një fëmijë.
Çifti Hysa u nis në spitalin e Traumës ku Valentina u mjekua dhe doli nga spitali, ndërsa burri i saj ishte plagosur pak më rëndë.
Ndërkohë sot pas arrestimit të shoferes, bëhet e ditur se Begzan Hysa ka ndërruar jetë në spital.
Sipas mediave familjarët kanë konfirmuar vdekjen e 60-vjeçarit.
