Ka aq shumë ngjarje “të zeza” që prekin turizmin në Shqipëri, sa që të gjithë mendojnë seriozisht se kush janë të mirat, që shtyjnë shumë persona të pushojnë këtu. JOQ Albania, pa dashur kurrsesi të prishë imazhin e një Shqipërie turistike, ka publikuar problematikat e qytetarëve në këtë sezon turistik, të cilat nuk kanë qënë pak. Çdo ditë ka gjëra të reja dhe ngjarje skandaloze, për të cilat çdo shqiptari i vjen keq që ndodhin.
E si të mos mjaftonin skandalet e mëparshme, mbrëmjen e djeshme, një linjë autobusësh, “Arjani Travel” ka lënë në mes të rrugës dy turistë gjermanë, të cilët kishin prerë biletat, por sipas shoferëve të autobusit, nuk kishte më vend dhe ata nuk mund të shkonin për në Gjermani.
Denoncimi në lidhje me ngjarjen është bërë nga pronari i apartamentit ku pushuan dy turistët gjermanë, të cilët mbrëmjen e djeshme e kishin për t’u rikthyer në Gjermani.
Në një moment të videos, njëri prej shoferëve tenton të godasë me shkelm turistin gjerman, i cili po tentonte t’i tregonte se ai kishte një biletë, por mungesa e internetit nuk ia mundësonte. Është vërtet e turpshme, që turistët përballen me ngjarje të tilla.
Denoncimi:
