Gashi është personi, fotoja e të cilit qarkulloi kudo në TikTok ditën e sotme si një prej personave që rrahu ekstremistin fetar Luigj Marku.
Ai ka reaguar mbi videot që kanë qarkulluar në rrjet me foton e tij dhe ka shpjeguat se nuk ka të bëjë me ngjarjen pasi nuk është ai që ka rrahur Markun.
“Unë mbrëmë mora një telefonatë prej një kushëriri tim, i cili më tha se fotografia ime është gjithkah në rrjete sociale. Nuk e kam vërejtur sepse kemi pasur mysafirë, kur hyna e pash fotografinë time kinse i dyshuari që ka ushtruar dhunë ndaj atij”,- është shprehur ai për mediat.
Ai ka deklaruar ndër të tjera se ata që e kanë dhunuar nuk i njeh e për më tepër Markun, me të cilin s’ka patur ndonjëherë konflikt në rrjetet sociale.
“Nuk e njoh, kurrë as nuk e kam parë, nuk kam pasur asnjëherë ndonjë konflikt as në rrjete sociale”, thotë ai.
Ndët të tjera ka shtuar se ndodhet në Stuttgart dhe jo në Fublin e në lidhje me ngjarjen ka marrë qindra komente, shumica lavdëruese.
“Telefoni më bëjke non-stop, dikush me jepte lëvdata, të tjerët kërcënime, prej njerëzve që as nuk i njoh, as nuk e disha çka është ngjarja, as çfarë ka ndodhur, unë nuk jam afër Dublinit, as nuk kam qenë atje kurrë, as nuk e di çfarë është në pyetje” – ka përfunduar ai.
Imazhi i Gashit është shumë i ngjashëm me personin që reflektoi në syzet e Luigj Markut pak sekonda para se ta dhunonin teksa ai ishte live në TikTok.
Autorët e dhunimit të tij nuk janë identifikuar ende.