Rritja e çmimeve këtë vit është problematika kryesore e çdo shqiptari i cili planifikon të bëjë ndonjë ditë pushimi në bregdet. Çdo ditë shohim se si biznese të ndryshme abuzojnë me çmimet duke i dyfishuar e trefishuar ato pa marrë fare parasysh ekonominë e shqiptarëve.
JOQ ALBANIA ka denoncuar me dhjetëra herë rritjen skandaloze të çmimeve e cila vlen të thuhet se në jug është më e pranishme se në veri. Por kjo rritje çmimesh e plazheve të jugut është përkthyer edhe me braktisje nga pushuesit shqiptarë dhe të huaj. Veriu i vendit, Velipoja dhe Shëngjini duket se janë vendet e preferuara për pushimet e shqiptarëve pasi janë të mbushur plot me pushues dhe çmimet nuk kanë ndryshuar shumë.
Në jug diferenca e çmimeve nga vitin e kaluar në këtë vit është tepër e madhe dhe Jala e Palasa mbajnë vendin kampion për çmimet stratosferike. Ndërkohë Velipoja ka çmimet më të ulëta si një vit më parë ashtu edhe sivjet.
Në tabelën e mëposhtme të marrë nga “Monitor” mund të shihni diferencën në plazhet kryesore të vendit dhe çmimet që janë për hotel dhe shezllon.
*Çmimet janë të mesatarizuara, nuk përjashtohen rastet mbi apo nën vlerat e caktuara.
