Prestigjozja “Le Parisien” vjen së fundmi një lajm të bujshëm, duke raportuar se braziliani Neymar i është ofruar Manchester Cityt të Pep Guardiolës.
Në këmbim të tij, Paris SG-ja ka kërkuar shërbimet e mesfushorit të kombëtares portugeze, Bernardo Silva, i cili pëlqehet shumë edhe nga Barcelona.
Vetë klubi parisien mësohet se ia ka komunikuar një fakt të tillë Nejmarit, duke i kërkuar atij të pranojë transferimin te City, natyrisht nëse klubi anglez do të ishte dakord me këtë shkëmbim.
Ky qëndrim i Paris SG-së është i kundërt me atë të trajnerit të ri, Kristof Galtie, i cili e sheh brazilianin si pjesë të rëndësishme të planeve të tij për sezonin e ri.
Vetë Neymar kërkon të përmbushë kontratën e tij me kampionët e Francës që e lidh deri në vitin 2026, por nuk përjashtohet mundësia që ai të transferohet në Premier League te një klub i madh si Manchester City.