Ditën e sotme pati replika midis opozitës dhe qeverisë mbi lejen për ndërtimin e një resorti në Himarë të bashkëshortit të ministres së Jashtme Olta Xhaçka.
Baahkëshorti i ministres, Artan Gaçi u shpall me status ‘investitor strategjik’ dhe iu vu në përdorim një zone bregdetare në Himarë për resortin “Dreamades Luxury Suites” për një periudhë 30-vjeçare.
Kompania që do e ndërtojë resortin është AG.TTC Sh.p.k në pronësi 100% te ish-deputetit socialist dhe bashkëshortit të ministres së Punëve të Jashtme, Olta Xhaçka me administratore një shtetase amerikane, e cila supozohet të jetë bashkëjetuesja e vëllait të ministres.
Elisa Spiropali ka reaguar mbi këtë debat sot në Kuvend duke mbrojtur ministren Xhaçka dhe duke deklaruar se nëse bashkëshorti i saj do t’i kishte hedhur në gjyq, do fitonte pasi i kanë cënuar reputacionin investitorëve.
”Statusi i investimeve strategjike nuk është favor, por e drejtë ligjore që iu jepet investitorëve. Kundrejt një të mire publike që këta investitorët i sjellin vendin. Xhaçka nuk është anëtare e Komitetit të Investimeve Strategjike, nuk është pjesë e vendimmarrjes. Kjo përjashton përfshirjen e saj në konflikt interesi. Sa i takon mbledhjes së Këshillit të Ministrave përpara mbledhjes Xhaçka ka njoftuar të mos marrë pjesë për të garantuar paanshmërinë e vendimmarrjes së Këshillit të Ministrave,”-ka deklaruar ajo ndër të tjera…
