Prerja e paligjshme e pemëve ne pyje dhe jo vetëm, nga veriu në jug të Shqipërisë, është një problem i madh, të cilit ende nuk i është dhënë një zgjidhje nga autoritetet përkatëse. Megjithatë duket se edhe kur institucionet shtetërore, përpiqen që të vendosin rregull dhe të minimizojnë dëmin që i bëhet natyrës e për rrjedhojë të gjithëve ne, përballen me vështirësi që vijnë nga njerëzit që përfitojnë nga prerja e këtyre punëve.
I tillë është edhe rasti i denoncuar nga një qytetar në redaksinë tonë, me saktësisht nga një punëtor i bashkisë së Prrenjasit, i cili bën me dije se ditën e djeshme në njësinë administrative Stavraj, pasi ka bërë punën e caktuar për bllokimin me fadromë të segmenteve të paligjshme ku ralizohet prerja e druve, sot përballet me një situatë tejet problematike pasi i kanë thyer xhamat e fadromës, madje i kanë prerë edhe tubat e mjetit.
Në bashkëbisedimin që ne kemi pasur me të, ai shprehet se sipas tij janë pikërisht personat që presin në kontrabandë pyjet në këtë zonë, ata që i kanë thyer xhamat e fadromës, sigurisht në shenjë kërcënimi apo shantazhi.
Denoncimi i ardhur në redaksinë tonë:
Pjesë nga biseda me qytetarin që ka bërë denoncimin:
JOQ: Kush mendoni se i ka thyer?
Qytetari: Kondrabanda qe presin pa leje. Ne bem mbylljen e degzimeve ata ben thyerjen e xhamave te fadromes
