Nën moton “U bë shumë”, partia opozitare OBRM-PDUKM, sonte filloi një protestë të ashtuquajtur për ndryshim, para ndërtesës së qeverisë së Maqedonisë.
Dhjetëra mijëra qytetarë nga mbarë vendi, anëtarë dhe simpatizues të OBRM-PDUKM-së dhe partnerëve të tyre në koalicion, janë mbledhur para Qeverisë ku pritet edhe fjalimi i kryetarit të partisë, Hristijan Mickoski.
Partia njofton se mesazhi kryesor që do të dërgohet nga tubimi i publik i sontëm është kërkesa për organizimin e zgjedhjeve të parakohshme parlamentare, të cilat sipas OBRM-PDUKM-së janë zgjidhja e vetme e krizës ekonomike dhe politike në të cilën vendi ndodhet.
