Një ngjarje tragjike është shënuar pak ditë më parë në Gjermani, ku një adoleshente shqiptare ka gjetur vdekjen. Bëhet fjalë për 17-vjeçaren Driana Rrecaj, shqiptare e Kosovës, e cila u përplas nga një makinë teksa po shkonte në shkollë.
Lajmin e rëndë për ndarjen nga jeta të saj, e kanë njoftuar familjarët e të ndjerës në rrjetet sociale.
Daja i vajzës i ka dedikuar një shkrim prekës në Facebook, ku shkruante se ajo mbusjte 18 vjeç për një muaj e teksa prisnin të vinte t’i takonte, do e presin në arkivol.
“Familjar, miq dhe shoke deshta ta ndaj nje dhimbje te thell ne zemren time dhe te familjes. Me daten 24.05. 2022 ne rastin e vdekjes se mbeses time (vajzes se motres) Driana (Istref dhe Antigina) Rrecaj e cila humbi jeten dje si pasoj e goditjes me vetur derisa ishte duke shkuar ne shkoll ne Gjermani. Ishte ne lule te rinis edhe 1 muaj i mbushte 18 pranvera, nje vajz me tipare taman shqipetare , gjithashtu ne javen e ardhshme e kemi pritur qe te na vizitonte dhe besoni se me gezim e kishte pergaditur valigjen d.m.th 1 jave perpara ndersa tani po e presim qe te vij ne arkivol”.
