Një 13-vjeçare u bë e gjallë dy javë pasi është zhdukur nga shtëpia e saj në Mitrovicë. Gazeta raportoi dje se familja e të miturës që nuk kishte asnjë informacion për fatin e të bijës e ka kuptuar tek para dy ditësh se ajo ishte martuar në Gllogjan të Pejë me një 21-vjeçar. Rasti u denoncua në Polici nga babai i vajzës, teksa i dyshuari u shoqërua në stacion policor.
Burimet e Sinjalit brenda Prokurorisë kanë njoftuar se pas intervistimit të të dyshuarit, prokurori i shtetit ka lëshuar vendim për ndalimin e tij, në kohëzgjatje prej 48 orësh.
21-vjeçari B.B., dyshohet se ka kryer veprën penale “bashkësia jashtëmartesore me personin nën moshën 16-vjeçare”.
Mësohet se ai u denoncua në Polici nga babai i vajzës 13-vjeçare, i cili ka deklaruar se është njoftuar nga familja ku ka shkuar vajza, se ajo gjendet aty.
Njësia e Hetimeve ka ndërmarrë menjëherë veprimet e nevojshme dhe ka shoqëruar dy palët në stacionin policor në Mitrovicë, ku janë kryer procedurat e nevojshme.
