Për vitin akademik 2021-2022, Universiteti i Tiranës kishte vendosur 5133 kuota në dispozicion për studentët që duan të ndjekin studimet e larta në një prej fakulteteve të këtij universiteti. Por për vitin e ri akademik, 2022-2023, për herë të parë në 5 vjet kuotat kanë rënën nën 5000. Senati i Universitetit të Tiranës ka vendosur këtë vit vetëm 4902 studentë të rinj të ulen në auditoret e një prej 6 fakulteteve që universiteti ofron.
.jpg)
Por në këtë numër të limituar kuotash nuk përfshihen ato për studentët nga trojet shqiptare apo shtetasit e huaj. Sipas ekspertëve ky shkurtim i kuotave në Universitetin e Tiranës vjen pasi shumë të rinj po zgjedhin të studiojnë në universitete private ose jashtë vendit.
Këtë vit akademik, fakulteti i Gjuhëve të Huaja do të presë 135 studentë më pak se sa ishin vitin e kaluar. Shkurtime në numrin e kuotave do ketë te dega e gjuhës gjermane ku ka një rritje të madhe kërkesash vitet e fundit. Nga ana tjetër edhe gjuhët si ajo frënge, italiane, spanjolle, greke dhe ruse do kenë shkurtime. Këto dy të fundit përballen me një numër tepër të vogël studentësh pasi është e vështirë të krijohet edhe numri me 10 studentë që profili të vazhdojë mësimin.
Shkurtime do ketë edhe në fakultetin e Histori Filologjisë pasi dega e Historisë do ketë 70 studentë më pak, ndërsa Gazetaria e cila deri më tani pranonte 120 studentë, do pranojë vetëm 80. Edhe Gjeografia dhe Arkeologjia janë përballur me ulje në numrin e kuotave. Tek Shkencat Sociale, Filozofia është e vetmja që ka ulur numrin e kuotave pasi do te ofroje 10 vende me pak krahasuar me vitin e kaluar.
Nga ana tjetër Fakulteti i Drejtësisë dhe Shkencave të Natyrës nuk kanë bërë shkurtime në numrin e kuotave dhe ato vazhdojnë të mbeten njësoj siç kanë qenë më parë, përkatësisht 640 kuota drejtësia dhe dhe shkencat e natyrës 1080.
