Varësia e adoleshentëve nga telefonat inteligjentë nuk është aspak një fenomen i ri, por kur adoleshenti në fjalë është një gorillë e ultësirës lindore mund të jetë një problem.
E çuditshme? Por, kjo është pikërisht ajo që ka ndodhur me Amare, një gorille 16-vjeçare në kopshtin zoologjik Lincoln Park të Çikagos, e cila ka shumë “qejf” që të merret me telefonin.
Stephen Ross, i cili studion sjelljen dhe njohjen e gorillave në kopshtin zoologjik, tha se kujdestarët e Amare vunë re se gorilla e kalonte kohën ulur në një cep duke u munduar të shohi telefonat e vizitorëve dhe se me kalimin e ditëve shfaqej me e hutuar deri në atë pikë sa u shkëput kafshët e tjera.
Amare jeton me tre gorilla të tjerë meshkuj “beqarë”, të gjithë në adoleshencë, ndërsa zyrtarët e kopshtit zoologjik nuk duan që koha para ekranit t’i heqë një periudhë të rëndësishme zhvillim, në të cilën gorillat po mësojnë se si të ndërveprojnë me njëri-tjetrin dhe në thelb, të jenë gorilla.