Një australian, baba i tre fëmijëve është akuzuar se ka vjedhur disa semaforë me vlerë 142,000 paund në Melburn. Tani do pyesni përse. 32-vjeçari i identifikuar si Ryan Purdie i përdorte ato për të mësuar programet e sigurisë rrugore në shkollat fillore.
Por, siç duket dikush e spiunoi e për pasojë shtëpia e tij u mbush me forca të shumta policore. Sipas mediave të huaja, ai përfundoi në Gjykatën e Magjistraturës së Melburnit dhe akuzohet për vjedhje, ndërsa mund të futet edhe në burg.
Pas kësaj, i riu ka thënë se akuzat kanë dëmtuar shëndetin e tij dhe jetën familjare.
Purdie shpjegoi se ka mbledhur dhe restauruar pothuajse 70 semaforë gjatë pesë viteve të fundit, disa prej të cilave ua ka dhuruar edhe shkollave.
Ai u frymëzua të fillonte të mblidhte semaforë, pasi vuri re se programet e sigurisë rrugore të për fëmijët ishin të pakta.
