Njeriu që ndejti 19 vjet në koma, vdes pothuajse 20 vjet pasi u zgjua

Një burrë që u zgjua në vitin 2003, pasi u përfshi në një aksident me makinë dhe kaloi 19 vjet në koma, ka ndërruar jetë në moshën 57-vjeçare.

Pothuajse katër dekada më parë, Terry Wayne Wallis u përfshi në një aksident me makinë vetëm gjashtë javë pas lindjes së vajzës së tij Amber dhe mbeti në koma për 19 vitet e ardhshme.

Gjatë gjithë kohës nëna e tij Angilee dhe anëtarët e tjerë të familjes kujdesseshin për të.

Familjarët e merrnin në shtëpi gjatë fundjavave për vite me radhë, ndërsa mjekën mendojnë se kjo ka qenë ajo që e ndihmoi atë të zgjohet.

Wallis u bë i njohur në media si "Njeriu që flinte për 19 vjet", ndërsa pasi hapi sytë dhe më pak se një muaj më vonë, ai rifitoi aftësinë e tij për të folur.

Sipas një nekrologjie të shkruar nga Roller-Coffman Funeral Homes , Wallis pëlqente 'të hante gjithçka në çdo kohë', të pinte pije të gazuara dhe të dëgjonte muzikë live.

Fjala e tij e parë pasi u zgjua ishte “mami” dhe shumë shpejt ai ishte në gjendje të thoshte “çdo gjë që ai dëshironte të thoshte”, tha Drejtoresha Sociale e Qendrës së Infermierisë dhe Rehabilitimit të Stone County, pas zgjimit të mrekullueshëm të Wallis.

Angilee Wallis ndërroi jetë në vitin 2018, ndërsa lajmi është bërë publik tashmë nga mediat e huaja.