Mbrëmjen e 3 prillit në autostradën Tiranë -Durrës u regjistrua një atentat me armë zjarri, teksa viktimë mbeti biznesmeni Iljaz Çali. Pas ngjarjes tragjike, policia ka nisur hetimet, ndërsa një nga nga pistat e hetimit është dhe konfliktet e lindura nga tregtia e Kromit në Bulqizë.
Mësohet se Iljaz Çali ka qenë miku i ngushtë i biznesmenit të kromit në Bulqizë, Gjin Nikës, i ekzekutuar në 5 prill 2014 në Fushë-Krujë. Nika i dyshuar si autor i disa vrasjeve për kromin e Bulqizës dhe plagosje, por asnjëherë i dënuar për to, 35-vjeçari u qëllua me 30 plumba automatiku bashkë me mikun e tij, Fabio Xhunga, 33 vjeç.
Viktima e mbrëmshme, Iljaz Çali ishte besimtar madje për shkak të besimit që përfaqësonte në shtëpine e tij në zonën e Rinasit kishte ndërtuar dhe një Xhami të vogël. Sipas policisë vrasja e Çalit lidhet vetëm me vijueshmërinë e atentateve të njëpasnjëshme në luftën për kapjen e galerive të kromit në zonën e Bulqizës.
Gjin Nika dhe Iljaz Çali