Aksidenti në minierën e qymyrit në Serbi, 8 minatorë të vdekur dhe 21 të plagosur

Tetë minatorë kanë humbur jetën, ndërsa 21 janë plagosur në minierën e qymyrit “Soko” pranë Sokobanjës, Serbi. Ministrja e Minierave dhe Energjetikës, Zorana Mihajloviq tha se nuk ka pasur shpërthim në minierë, por minatorët janë mbytur për shkak të koncentrimit të lartë të metanit. Shtatëmbëdhjetë minatorët nga miniera “Soko”, të cilët janë të vendosur në spitalin e Aleksinacit, janë në gjendje stabile dhe jashtë rrezikut për jetën. Minatori më i ri është 21 vjeç. Drejtori i Spitalit të Përgjithshëm Aleksinac, Goran Vidic, tha se në atë spital janë ekzaminuar 21 minatorë të lënduar.

Dy janë dërguar për ekzaminime të mëtejshme në Qendrën Klinike të Nishit dhe dy janë liruar për trajtim në shtëpi.

Sipas Vidiçit, njëri prej të dërguarve në Nish ka simptoma të thithjes së gazit, ndërsa tjetri është dërguar në një skaner koke dhe është ekzaminuar nga një neurolog për të shmangur komplikimet e mundshme. Nga 17 minatorët që u mbajtën në spitalin në Aleksinac, dy kanë thyerje të bërrylit që nuk kërkon ndërhyrje kirurgjikale, ndërsa të tjerët kanë të bëjnë me shtypjen dhe thithjen më të lehtë të gazit. Ministrja e Minierave dhe Energjetikës, Zorana Mihajloviq, ka bërë të ditur se në minierën “Soko” nuk ka pasur shpërthim, por minatorët e lënduar janë mbytur për shkak të koncentrimit të lartë të metanit.

Ka pikëllim të madh, mbetën të vrarë tetë minatorë të minierës "Soko". Sot në mëngjes në orën 4.10 u mbytën. Pra, nuk ka pasur asnjë shpërthim dhe asgjë tjetër, thjesht rritja e metanit ka qenë aq e lartë sa janë mbytur.

Ajo shprehu ngushëllimet e saj për familjet e minatorëve të vrarë. Ajo ka theksuar se shteti do t'i ndihmojë familjet e viktimave, ashtu siç do të ndihmojnë edhe minatorët e “Resavicës” kolegët e tyre.

Tani trupat janë rrugës për në Nish për autopsi. Organet hetuese janë duke bërë punën e tyre. Besoj se së shpejti do të kemi arsye të qarta dhe të shkruara për këtë ngjarje. Kanë mbetur 12 fëmijë pa prindër pas vdekjes së 8 minatorëve, një foshnjë e cila ka lindur në fillim të këtij viti. Është detyrimi ynë që të bëjmë absolutisht gjithçka për familjet e tyre dhe, natyrisht, të mos harrohet kurrë.

Burimi:rt.rs Përktheu dhe përshtati:JOQ ALBANIA