Në fillim të këtij muaji Selena Gomez u pa nën shoqërinë e biznesmenit shqiptar Zen Matoshi, duke shijuar një koncert të Dua Lipa në New York. Kaq u desh që fansat e këngëtares të dyshojnë se ajo është në një lidhje me biznesmenin me origjinë nga Shqipëria.
Ndonëse një burim e afërt i Gomez tha se ata janë thjesht miq askush nuk e besoi deri në momentin kur reagoi vetë këngëtarja e huaj e famshme. Selena Gomez, ka zbuluar gjatë ditës së djeshme për jetën e saj sentimentale. Selena ka publikuar një video në aplikacionin e njohur “TikTok”, duke sinkronizuar buzët me fjalët e audios virale të King Nas.
@selenagomez Maybe this is why I’m single. Don’t believe a damn word. 😭🤣
♬ original sound – KING NAS
Bëhet fjalë për një burrë që përmend disa komplimente në përpjekje për të bindur një grua që t’i japë atij një shans dhe gruaja nuk e merr seriozisht duke mos qenë e interesuar.
“Ndoshta kjo është arsyeja pse jam beqare”, ka shkruar Gomez në mbishkrimin e videos “Mos besoni asnjë fjalë të mallkuar.” Duket se ylli amerikan është zhgënjyer aq shumë nga dashuria saqë tanimë e ka humbur besimin.
