Shqipëria fiton medalje bronxi në Kampionatin Europian të Mundjes

Mundja shqiptare është rikthyer në podiumin e medaljeve në Kampionatin Europian të të rriturve. Islam Dudaev, mundësi që përfaqëson Shqipërinë ka fituar medaljen e bronxtë. Në peshën deri në 65 kilogram në stilin e lirë në Kampionatin Europian të të rriturve, Islam Dudaev ka zënë vendin e tretë.

Dudaev e nisi rrugëtimin në këtë event duke mposhtur në kualifikuese maltezin Adam Vella. Më pas në çerekfinale ai u mund nga hungarezi Iszmail Muszukajev, por kaloi me suksesin sfidën për medaljen e bronztë, teksa mposhti 5-0 polakun Krzysztof Bienkowski. Një paraqitje e shkëlqyer nga Dudaev, që nderon Shqipërinë në një event kaq madhor siç është Kampionati Europian. Në këtë kompeticion kombëtarja jonë e mundjes u përfaqësua me 4 sportistë, të gjithë në stilin e lirë.

Pas këtij triumfi Dudaev tha:

Më vjen shumë mirë që përfaqësoj Shqipërinë, një vend i bukur. Për Kampionatin Evropian ishim përgatitur mirë në Azerbajxhan, dua të falenderoj Presidentin e Federatës Shqiptare të Mundjes Sahit Prizreni, që na e dha këtë mundësi, In ShaAllah do të kemi fitore. Jam shumë krenar që përfaqësoj Shqipërinë.