Kanë kaluar 8 ditë nga krimi makabër në Fier, ku 8-vjeçari Mateo Vasiu u vra brutalisht nga 38-vjeçari Klodian Çalamani. Familja e vogëlushit të ndjerë ka hyrë në shtëpinë e tmerrit, ku 38-vjeçari Klodian Çalamani vrau dhe groposi fëmijën. Pasi janë hequr shiritat e skemës së krimit, familjarët kanë ndezur qirinj në gropën ku u varros 8-vjecari.
Kujtojmë se familjarët pretendojnë se një e afërme e familjes së Mateos di rrethanat e vërteta që shtynë 38-vjeçarin t’i marrë jetën fëmijës së mitur. Pritet që grupi hetimor të marrë deklaratat e personave ku dyshon familja e të zbardhet ngjarja makabre që ka tronditur mbarë opinionin publik shqiptar.