Një 21-vjeçar shqiptar ka humbur jetën ditën e sotme në Greqi teksa ishte duke ecur me motor. Erdi Rushitaj ishte duke udhëtuar me motor bashkë me shokun e tij 17-vjeçar Mattheos Karagiannakis kur motori i tij devijoi nga rruga dhe për pasojë u përplas me një shtyllë elektrike. Duke folur për mediat greke, familjarët e Erdit kanë deklaruar se ai e kishte blerë motorrin pak muaj më parë dhe se e donte shumë atë. Vëllai i tij tha:
Nuk dua të besoj se nuk do ta shoh më kurrë vëllain tonë të vogël në jetën time. Është shumë e vështirë për të gjithë ne. Mësuam se çfarë kishte ndodhur rreth orës 5 të mëngjesit kur disa nga miqtë e tij erdhën këtu për të na informuar. Na kishin fikur celularët dhe ata erdhën këtu. Ajo që na ka ndodhur është tragjike.“Erdi e kishte blerë motorrin pesë muaj më parë. Ai e donte shumë atë. Kur e solli për ta parë unë u shqetësova aq shumë sa i mora çelësat e tij. Ai më lutej t’ia jepja, derisa në një moment i gjeti dhe i mori vetë. Ishte motor i madh dhe ne i thoshim vazhdimisht që të ishte i kujdesshëm. Ai gjithashtu ka një makinë, por ai e donte këtë motor. Ata thonë se ai nuk kishte një patentë për motorin, por ne e dimë se ai kishte. Kishim parë letrën e parë që japin deri sa të dalë karta. Ai kishte patentë edhe për veturën.
Sipas motrës së 21-vjeçarit, gjithçka ndodhi gjatë pushimit nga puna.
Çdo ditë i thoshim për motorin që të ketë kujdes dhe të mos punojë. Vendi i aksidentit është afër shtëpisë tonë dhe shtëpisë së fëmijës tjetër. Kështu që ndërsa mendoj për të, Erdi duhet të ketë shkuar në shkollë dhe të ketë kaluar këtë pikë. Ishte si një vend takimi për fëmijët. Duket se ata dolën për një shëtitje dhe kur u kthyen gjithçka ndodhi.
Dy vëllezërit kishin shkëmbyer disa mesazhe para aksidentit.
Herën e fundit kemi komunikuar me mesazhe. Në ato të fundit ku nuk mora asnjë përgjigje i shkrova "Ku je ... kur do të vish?" më kishte shkruar më herët: "Kur do të kthehesh në shtëpi?" Ai më shkroi se ishte në punë dhe unë iu përgjigja "Sapo të mbaroni punën, kini kujdes dhe shkoni në shtëpi". Ne humbëm vëllain tonë të vogël.
Më tej ai ka treguar se varrimi i Erdit mund të bëhet në Shqipëri, pasi edhe babai i tyre i cili ka vdekur në moshë të re prehet në Shqipëri.
Ne jemi katër fëmijë. Këtu jetuam, unë, motra ime dhe Erdi. Motra jonë tjetër jeton në Shqipëri me nënën tonë, të cilën e kemi pasur me ilaçe që kur e mori vesh. Ne gjithashtu humbëm babanë në një moshë të re. Vëllai ynë ishte shumë punëtor, punonte ditë e natë pasi i pëlqente jeta e mirë.
Siç është njoftuar edhe më parë, ashpërsia e përplasjes ishte e tillë që motorri u gjet rreth 100 metra larg dy të rinjve. Rrethanat e sakta në të cilat ndodhi aksidenti pritet të sqarohen nga hetimi paraprak, ndërsa do të caktohet një ekspert. Në të njëjtën kohë, janë kërkuar teste toksikologjike për të përcaktuar nëse shoferi ishte nën ndikimin e dehjes.
