“Si është jeta e një shoferi autobusi? Me një këmbë në varr dhe tjetrën në burg”

Shoferi kosovar që shkaktoi aksidentin fatal me autobus në Kroaci, ku humbën jetën 10 persona, ndërsa u plagosën 40 të tjerë është lënë në burg. Ai mendohet se ishte i lodhur në timon, ndërsa shoferët e tjerë të autobusëve në Kroaci thonë se puna që ata bëjnë është shumë e vështirë.

“Si është jeta e një shoferi autobusi? Me një këmbë në varr dhe tjetrën në burg.”-thotë një shofer për gazetën Index.

Ndërkohë, gazeta Jutarnji shkruan se një tjetër shofer thitë se e kupton lodhjen e shoferëve, pasi vetë ai kishte drejtuar autobusin së fundmi për 20 orë rresht.

I pyetur se përse nuk e refuzon diçka të tillë, ai tha:

Sepse punoj për një firmë private dhe sepse pronari im më kërkon që të shkojë nga pika A në pikën B brenda një orari të caktuar. Nuk mund të refuzoj, pasi kam dy fëmijë të vegjël për të ushqyer dhe një grua që nuk punon.

Vlen të thuhet se tre aksidente të tjera të rënda, janë shkaktuar në Kroaci kanë ardhur për shkak të lodhjes së shoferëve, ndërsa ka edhe prej tyre që punojnë në të zezë. Kur bie fjala te shoferët kosovarë, nuk duhet harruar fakti se ata qëndrojnë për orë të tëra nëpër pikat kufitare, çka e shton lodhjen e tyre. Ekspertët thonë se shoferët e autobusëve paguhen pak dhe janë të detyruar për këtë arsye që të punojnë me një ngarkesë të madhe.