Një 30-vjeçar shqiptar me banim në Bellinzago, i quajtur Rubin Molla, u dënua me 5 vjet e 4 muaj burg si dhe me një gjobë prej 22,000 euro nga gjykata në Busto Arsizio, për shkak se ai ishte një nga trafikantët e njohur të lëndëve narkotike. Sipas asaj që shkruajnë mediat italiane, bëhet me dije se shqiptari njihej me nofkën “gjiganti” për shkak të madhësisë së trupit. Molla u arrestua në maj të vitit 2020 nga karabinierët e Legnano dheiu sekuestruan15 kg kokainë dhe 330 mijë euro në para, të ardhura nga shitja. Së bashku me të ishin dhe tetë persona të tjerë. Raportohet se Molla lëvizte bashkë me të ëmën nga Bellinzago, përtej Ticinos, deri në Turbigo, për t’i shitur kokainë një familjeje mafioze që drejtonte tregun e ‘mallit’ në zonën e Varesottos e në Alto Milanese, me shtrirje deri në Emilia Romagna.
Aktualisht 30-vjeçari ndodhet në burg, ndërsa për nënën e tij nuk dihet asgjë, por ka dyshime se ajo është kthyer në Shqipëri.
Burimi: la stampa. it |Përktheu dhe Përshtati: JOQ Albania