Në mesin e 10 viktimave që vdiqën si pasojë e aksidentit në Kroaci gjatë së dieles, është edhe një 46 vjeçar nga komuna e Podujevës.
Dhëndri i të ndjerit, Fatmir Halimi, përmes një postimi në Facebook ka treguar se Sevdail Rrustemi ishte së bashku me familjen e tij, pra me gruan dhe dy djemtë e tij, të cilët i shpëtuan aksidentit.
“Pasi motra dhe dy djemte e saj shpëtuan, plagëve nuk i mbijetoi dhëndrri ynë Sevdail Rrustemi , ku lajmi për vdekjen e tij u konfirmua mbrëmë vonë”, ka shkruar ai.
I njëjti, ka publikuar në facebook, edhe një fotografi që besohet të jetë fotografia e fundit e shkrepur para se familja 4 anëtareshe të niseshin për Kosovë. Rrugëtim që fatkeqësisht u ndërpre në gjysmë të rrugës, e ku aksidenti në Slovanksi Brod i morri jetën kryefamiljarit.
10 persona humbën jetën si pasojë e një aksidenti të rëndë trafiku që ndodhi në Kroaci.
