JOQ Albania
App Store
SHKARKO
Home
JOQ Albania

Media zvicerane jehonë garës së çmendur me 225 km/h mes Lambos dhe BMW-së në Fier-Vlorë
Shkruar nga: N Hoxha | Publikuar më: 21/07/2021 21:50

  • Share
  • Share
  • Share
  • Share

Në një kohë që aksidentet rrugore në vend po marrin jetë thuajse çdo ditë, të rinjtë mesa duket “nuk zënë mend”. Kjo pasi vetëm pak ditë më parë në autostradën Fier-Vlorë kamerat e policisë kapën momentin e një gare të çmendur prej 225 km/h. Në lidhje me këtë ka shrkuar edhe gazeta e njohur zvicerane “Blick” nisur edhe nga fakti se automjete luksoze tip “BMW” dhe “Lamborghini” kishin targa zvicerane. Sipas gazetës në fjalë, Lamborghini rezulton e marrë në një kompani e cila jep makina luksoze me qira, ndërsa pronari i kompanisë deklaroi për gazetën se ishte me pushime dhe nuk kishte dijeni në lidhje me incidentin e ndodhur në Shqipëri.

Ndërkohë BMW rezulton në pronësi të një kompanie pastrimi në Zvicër dhe 36-vjeçari që u kap në timon ishte punonjës aty. Të dy drejtuesit e automjeteve ishin nga Kosova. Ata nuk i ndalën postbllokut të policisë, por u arrestuan më pas në afërsi të Vlorës. Drejtuesi i Lamborghinit, një 40 vjeçar me banim në Zvicër, u gjobit me 168 mijë lekë për tejkalim e garë shpejtësie, udhëtim pa targa dhe mosbindjen ndaj policisë. Kurse drejtuesi i BMW-së u gjobit me 120 mijë lekë gjobë për tejkalim dhe garë shpejtësie.

Burimi: Blick |Përktheu dhe Përshtati: JOQ Albania