Paraditen e sotme, teksa të gjithë ishin rreshtuar për të falur Kurban Bajramin, presidentit në detyrë të Malit, Assimi Goita, është sulmuar me thikë. Incidenti ndodhi gjatë lutjeve në Xhaminë e Madhe në kryeqytetin Bamako për të shënuar festën myslimane të Kurban Bajramit. Më pas zyra e presidentit doli me një deklaratë për mediat ku bëri me dije se presidenti i shpëtoi paq sulmit dhe se trupat e sigurisë arrestuan personin e armatosur me thikë që tentoi të kryente këtë akt. “Çdo gjë është mirë. Nuk ka asnjë problem. Kjo është pjesë e të qenit lider”- u shpreh Goita në televizionin shtetëror pas sulmit. Kujtojmë se situata në Mali është e paqëndrueshme, pasi prej disa vitesh vendi ndodhet një një gjendje krize politike që pas rrëzimit nga pushteti të presidentit Ibrahim Boubacar Keita.
Koloneli Assimi Goita, i cili është udhëheqës i dy puçeve në nëntë muaj në Mali, u betua si president i përkohshëm në 7 qershor.
Burimi: CNN |Përktheu dhe Përshtati: JOQ Albania