Një ngjarje e rëndë është regjistruar në SHBA, ku pas një sulmi me armë zjarri humbën jetën tre persona në një fushë golfi. Sipas mediave të huaja, pesë të shtëna u dëgjuan të shtunën herët pasdite në një stadium në Kennedy, rreth 40 milje në veri të Atlantës, sipas një dëshmitari okular i cili foli me rrjetin televiziv lokal WXIA.
Policia mbërriti në vendin e ngjarjes dhe gjeti një burrë i cili ishte qëlluar në kokë, ndërsa trupat e dy burrave të tjerë u gjetën në pjesën e pasme të një kamioni të parkuar afër fushës së golfit. Një ndër viktimat është një lojtar golfi profesionist, Gene Schiller.
“Ne jemi të pikëlluar nga kjo vrasje e pakuptimtë”-tha Jim Rutherson, president i Shoqatës së Lojtarëve Profesionistë të Amerikës.
Menjëherë pas të shtënave, shërbimet e sigurisë së një universiteti pranë fushës së golfit lëshuan një “paralajmërim” për praninë e një njeriu “të armatosur dhe të rrezikshëm”, i cili nuk është arrestuar ende.
Burimi: www.skai.gr/ Përktheu dhe përshtati: JOQ ALBANIA
