Bashkia e Tiranës riktheu dy ditë më parë abonetë e përgjithshme për të gjithë qytetarët që përdorin transportin publik, pas një muaji pezullimi me qëllim përmirësimin e kushteve dhe shërbimit për qytetarët. Abonetë u rikthyen ditën e sotme, por me tre çmime të ndryshme brenda ditës.
Burime bëjnë me dije se aboneja e përgjithshme është shitur ditën e sotme me 1600, 1000 dhe 800 lekë të reja. Në pjesën e përparme të abonesë çmimi është 1600, por nuk dihet arsyeja se përse është ulur dhe përgjysmuar pasditen e sotme. Kujtojmë se aboneja u hoq për gati një muaj për të gjithë përdoruesit e transportit publik, ndërsa pezullimi i saj u bë pasi Bashkia kërkonte kohë për të analizuar të dhëna që lidhen pikërisht me këtë transport, mirëpo nga ana e qytetarëve nuk u prit aspak mirë.
