Pasojat që ka lënë pandemia Covid në mbarë botë janë të mëdha, por mesa duket telashet nuk do të kenë të mbaruar për njerëzimin, pasi duhet të përgatitet për kërcënnime të tjera. Organizata e Kombeve të Bashkuara paralajmëron se mungesa e ujit dhe thatësira do të ndikojnë tej mase për keq në planetin tonë në të ardhmen e afërt. Dhe duket se për këtë kërcënim nuk ka një vaksinë. “Thatësira për pak do të jetë pandemia e radhës dhe për këtë nuk ka vaksinë dhe as ilaç”, tha për Reuters përfaqësuesja e OKB-së, për minimizimin e rrezikut të katastrofave natyrore (UNDRR), Mami Mizutori. Sipas të dhënave, nga mungesa e ujit kanë vuajtur 1,5 miliardë persona në periudhën 1998-2017. “Duhet të marrim masa urgjente që ta parandalojmë”, shtoi Mizutori, sipas së cilës, vetëm këtë vit, thatësira ka shkaktuar dëme që i kalojnë 1 miliardë dollarë.
Paralajmërohet se nga ndryshimet klimaterike do të ndikojnë në mungesën e ujit në rreth 130 shtete të botës. Aktualisht, pjesa perëndimore e SHBA po përballet me një krizë të tillë.