Djali i vrau nusen dhe fshehu krimin/ Babai i pilotit grek thyen heshtjen: Kam humbur dy fëmijë

Ka reaguar për herë të parë babai i pilotit 32-vjeçar Babis Anagnostopulos, i cili vrau dhe krijoi një skemë grabitje duke ia hedhur fajin shqiptarëve. Mediat greke kanë shkruar se babai i 32-vjeçarit ka thyer heshtjen dhe ka treguar se e vetmja gjë që iu intereson tani është foshnja 11-muajshe e çiftit. Duke folur për një emision televiziv babai i pilotit rrëfeu se ai humbi dy fëmijë, ndërsa po përpiqet që foshnja të mos ketë asnjë problem apo fat të keq pasi nuk është fajtore për asgjë.

Vajzën e kemi ne. E vetmja gjë që duam tani është që të kujdesemi për fatin e kësaj fëmijë dhe të fokusohemi sa më shumë të jetë e mundur tek ajo. Si baba, unë kam humbur dy fëmijë. Do përpiqem për fëmijën që nuk ka faj për asgjë.

Ndërsa kujtojmë se para pak ditësh familja e pilotit grek kërkoi kujdestarinë e foshnjes, por pritet që autoritetet të vlerësojnë rrethanat e dy familjeve për të vendosur se kujt do tia lërë kujdestarinë.