Një studim i kryer në 21 vende evropiane gjatë muajve të parë të pandemisë COVID-19 ka gjetur ulje të konsiderueshme të konsumit mesatar të alkoolit në çdo vend përveç Irlandës dhe Mbretërisë së Bashkuar. Në raport thuhet se konsumi i alkoolit ka rënë në shumicën e vendeve, por Mbretëria e Bashkuar ka pësuar një rritje të konsumit të përgjithshëm.
Anketa Evropiane e Alkoolit mblodhi të dhëna nga pothuajse 32,000 konsumues të alkoolit në të gjithë Evropën nga fundi i Prillit deri në fund të Korrikut 2020. Të anketuarit u pyetën për frekuencën e pirjes së alkoolit, sasinë e konsumuar dhe frekuencën e pirjes së alkollit në mënyrë të tepruar dhe të vazhdueshme. Studimi arriti në përfundimin se çmimi i përballueshëm i alkoolit nuk konsiderohet një faktor i rëndësishëm sepse të rriturit me të ardhura më të larta konsumuan më pak alkool sesa ata që nuk kishin.
Uljet mesatare më të mëdha janë gjetur në Shqipëri, Finlandë, Greqi, Itali, Sllovaki dhe Spanjë. Konkretisht, shqiptarët konsumuan mesatarisht më pak alkool me një rezultat prej -0,37, grekët shënuan një rezultat -0,2 dhe finlandezët minus 0,19. Studimi Evropian mbi Alkoolin dhe sëmundjen Covid-19 u krye nga shkencëtarët në Universitetin e Teknologjisë në Dresden, Gjermani.
Burimi:eurekalert Përktheu dhe përshtati:JOQ ALBANIA