Tre shqiptarë janë burgosur për përfshirje në operacione të paligjshme të fermave të kanabisit në pronat e banuara me qira në Qarkun Durham të Britanisë. Mediat britanike kanë shkruar se Neritan Bala, 28 vjeç, u dënua me burg 21 muaj, pasi pranoi se merrej me prodhimin e kanabisit. Policia ushtroi kontrolle në banesën e tij në fund të muajit prill pasi raporteve të fqinjëve. Kur policia mbërriti atje, Bala tentoi të largohej, por u kap dhe u gjet se posedonte çelësat e shtëpisë, një celular, një leje drejtimi, një kartë udhëtimi dhe 230 £, të cilat u sekuestruan.
Zyrtarët zbuluan se furnizimi elektrik ishte anashkaluar dhe gjetën 110 bimë kanabisi në nivele të ndryshme të rritjes duke përdorur ndriçimin me llampa dhe transformatorët, në dhomën e ngrënies, dy dhoma gjumi dhe hapësirën e papafingos. Kur u arrestua Bala u tregoi policëve se kishte qenë duke punuar në këtë shtëpi, si ujitës i bimëve për të paguar paratë e rrugës që kishte shkuar në Britaninë e Madhe. Ai tregoi se pas mbërritjes më 24 janar, pasaporta e tij u hoq dhe ai u vendos në këtë shtëpi për të punuar si një kopshtar.
Avokatja e tij tha se ferma e kanabisit ku u gjet shqiptari nuk ishte e tija pasi ai ishte më i madhi nga katër vëllezërit që jetojnë në një qytet në veri të Shqipërisë, dhe erdhi në Britani në mënyrë të paligjshme. Më tej ajo tregoi se shqiptari po punonte për të fituar para për të shlyer borxhet e marra pasi pagoi për nënën e tij, tani, të ndjerë për të marrë trajtim për kancerin në Maqedoni. Pasi u dënua me burg, gjykata urdhëroi gjithashtu konfiskimin e bimëve, mjetet e rritjes dhe paratë e kapura.
Ndërsa në fund të seancës, gjykata dënoi me 27 muaj dhe 22 muaj burg dy shqiptarët Edisan Kortoci, 24 vjeç dhe 35-vjeçari Adrian Lamaj. Kortoci dhe Lamaj pranuan se ishin të përfshirë në prodhimin e një droge të klasit B, pasi policia gjeti 290 bimë kanabisi në Rrugën Alexandrina, Seaham, në 16 Mars.
Adrian Lamaj, një ndër shqiptarët e dënuar
