I ra suvaja mbi shpinë teksa po jepte shfaqje/ Aktori: Falë Zotit nuk më ra në kokë, shteti të marrë masa

Mëngjesin e sotëm u regjistrua një ngjarje e rëndë në qytetin e Shkodrës, ku një aktor i teatrit Migjeni, u lëndua në shpinë teksa ishte duke aktruar. Nikolin Fërketa u lëndua nga rënia e suvasë në një prej ndërtesave ku po mbahej një shfaqje nga aktorë të qytetit. Ndërkohë, pak më parë Fërketa është shprehur për faxnews se falenderon Zotin që nuk i ra në kokë dhe që nuk e kishte vajzën pranë, ndërsa i ka kërkuar shtetit që të ndërmarrë masa që ngjarje të tilla mos të ndodhin më në të ardhmen.

Më konkretisht, ai është shprehur se:

Them faleminderit Zotit që shpëtova me kaq se nuk më ra në kokë, por në shpinë. Them falë Zotit që nuk e kisha vajzën afër, por gjithsesi unë dua të them që shteti duhet të marri masa. Se larg qoftë mund të humbin edhe jetë njerëzish brenda sekondash.