Çdo ditë regjistrohen raste vjedhjesh nga më të ndryshmet, të cilat krijojnë panik dhe frikë tek çdo qytetar, apo individ që ka biznes. Rasti i fundit është shënuar tek një biznes në kryeqytet që merret kryesisht me shitjen e celulareve. Kamerat e sigurisë së biznesit në fjalë kanë pikasur një vjedhje spektakolare, ku një qytetar ka hyrë në ambientet e dyqanit me pretekstin për të blerë një celular të ri dhe ka vjedhur në një mënyrë të pazakontë telefonin e “ofruar” nga shitësi. Po mirë e lexuat. Ka vjedhur një iPhone 12 Pro Max, i cili kap vlerën e 1,198 eurove.
Teksa i kërkon shitësit iPhone-in që dëshiron të “blej”, ky i fundit ia sjell menjëherë, ndërsa “magjistari e zhduk” atë me shpejtësinë e dritës poshtë rrobave në një moment që shitësi po merrej me sistemimin e celularëve të tjerë.
Por, ajo që është për t’u habitur, është fakti se ky veprim nuk është vënë re nga shitësi, pasi qytetari është treguar i “zgjuar” duke vendosur një kuti të ngjashëm me atë që i dha shitësi më parë, ndërsa ky i funsit vazhdon duke i treguar më shumë për telefonin. Në videon që ilustrohet në vijim duket qartë e gjithë ngjarja.
Ndërkohë, qytetari krahas videos së dërguar pranë redaksisë së JOQ ALBANIA shkruan:
