Një studim i ri tregon se vegjetarianët janë shumë më të shëndetshëm se ata që hanë mish, edhe kur marrin parasysh faktorë të tillë si mosha, mbipesha, pirja e duhanit dhe konsumimi i alkoolit. Ky hulumtim u krye nga Universiteti i Glasgow dhe pjesëmarrësit, të cilët ishin midis moshës 37 dhe 73 vjeç, u vendosën në dy kategori, vegjetarian dhe mish-ngrënësit. Dr Carlos Celis-Morales, i cili drejtoi kërkimin, tha:
Gjetjet tona ofrojnë provë të vërtetë për të menduar. Njerëzit që ndjekin një dietë vegjetariane priren të konsumojnë më shumë perime, fruta dhe arra që përmbajnë më shumë lëndë ushqyese, fibra dhe përbërës të tjerë potencialisht të dobishëm. Këto ndryshime ushqyese mund të ndihmojnë në shpjegimin pse vegjetarianët duket se kanë nivele më të ulëta të sëmundjeve që mund të çojnë në dëmtime të qelizave dhe sëmundje kronike.
Edhe pse ky ishte një studim i madh, autorët kanë theksuar se kërkimi ishte vëzhgues, që do të thotë se ende nuk mund të bëhen përfundime në lidhje me shkakun dhe pasojën e drejtpërdrejtë. Këto zbulime u prezantuan këtë javë në Kongresin Evropian për Obezitetin (ECO).
Burimi:unilad. Përktheu dhe përshtati:JOQ ALBANIA
