Ornaldo Rakip, i biri i Aqif Rakipit i renditur i 30 në listën e PS-së ka thyer herësin, duke u katapultuar mes fituesve. 27-vjeçari rezultoi si një nga kandidatët më të preferuar nga banorët e Vorës, Gërdecit, Marqinetit dhe një sërë fshatrash në rrethinat e Tiranës, ndërsa emri i tij renditet mes ministrave në preferencën e votuesve.
Aqif Rakipi, përpos të birit Ornaldos të cilin e kandidoi me PS në zgjedhjet e 25 Prillit, do të fusë në Parlament edhe të shoqin e mbesës së tij Saimir Hasallan, kandidat i PS në Elbasan, i cili ka thyer herësin dhe është renditur në listën fituese të deputetëve socialistë. Hasalla ka marrë më shumë se 10 mijë vota duke u bërë kështu koleg me kushëririn e bashkëshortes së tij, në parlament. Kujtojmë se Hasalla ka qenë edhe kryetar i Bashkisë së Peqinit, një zonë me ndikim të fortë nga Aqif Rakipi.
