Para pak ditësh Elbasani u trondit nga një një ngjarje e rëndë që përfundoi me vrasjen e Pjerin Xhuvanit dhe plagosjen e katër personave të tjerë, Emiljano Prenga, 39 vjeç, Pavlo Vuksani, 50 vjeç, Eltjon Bodinaku, 32 vjeç, Xhensila Sota, 27 vjeçe (punonjëse e policisë). Në lidhje me këtë ngjarje policia ka arrestuar Arbër Paplekaj, Arjan Hoxha, Pavlo Vuksani, Emiljan Prenga, Juljan Mataj, Erald Guga, Erjon Demushi, Taulant Ymeri, Roland Xhepa, Nuredin Kasma. Ndërkohë është shpallur në kërkim Kelmend Xhaferri, i cili akuzohet për “Vrasje në rrethana cilësuese”, të mbetur në tentativë, në dëm të disa personave, dhe mendohet se i është kundërpërgjigjur me armë Arbër Paplekajt.
Por emri i Kelmend Xhaferrit nuk është aq i panjohur për policinë, pasi ai njihet si krahu i djathtë i Suel Çelës. Xhaferri u bë i njohur pak vite më parë nga përplasja me Policinë para tregut Ushqimor të Elbasanit. Xhaferri, i njohur edhe si Kel Çami, u denoncua nga drejtuesi politik i PD-së në Elbasan Gazment Bardhi pas përplasjes ditën e Verës. “Kelmend Ymer Xhaferri (pseudonimi Kel Çami) ka qenë më parë i dënuar për disa vepra penale dhe i përfshirë në incidentin kundër punonjësve të Policisë në Elbasan te Tregu Ushqimor, duke thyer me forcë postobllokun e policisë”.
