Qeveria e Kosovës do të mbajë sot mbledhjen e radhës ku pritet të diskutohet për masat e reja antiCOVID-19.
Mbledhja pritet të mbahet sot pasdite.
Në këtë mbledhje pritet të hiqen disa prej kufizimeve që Qeveria e Kosovës i ka miratuar me datë 5 prill dhe janë të vlefshme deri me 18 prill.
Ndryshe gjatë një takim që kanë pasur ministri i Shëndetësisë, Arben Vitia dhe ai i Administrimit të Pushtetit Lokal, Elbert Krasniqi, me kryetarët e komunave, është vendosur që nga e hëna e 19 prillit të hapen gastronomia dhe qendrat tregtare.
Po ashtu gjatë këtij takimi Vitia u premtoi kryetarëve të komunave së do të realizonte 90 për qind të kërkesave të tyre.
Kujtojmë në masat të cilat hynë në fuqi me 7 prill, ishte edhe kufizimi i shërbimeve të lokaleve të gastronomisë. Atyre u janë lejuar vetëm shërbimet “merr me vete” dhe me dërgesë.
Shkollat e mesme dhe universitetet kaluan në mësim online për dy javë.
Po ashtu, janë mbyllur qendrat tregtare dhe lëvizja e qytetarëve pas orës 22:00 është e ndaluar.
