Forcat Ushtarake Australiane janë duke kryer një stërvitje që po i përgatit për një luftë të mundshme me Kinën. Si çështje konflikti vazhdon të mbetet Tajvani. Zyrtarët ushtarakë në Canberra kanë planifikuar skenarët e 'rastit më të keq' në të cilin nëndetëset e klasit Collins dhe avionët luftarakë Super Hornet do të vendoseshin në ngushticën e Tajvanit për të ndihmuar Shtetet e Bashkuara dhe aleatët e tjerë strategjikë rajonalë.
Presioni po rritet mbi Australinë dhe anëtarët e tjerë të grupit 'Quad' – Japoni , Indi dhe SH.B.A. Kina është bërë gjithnjë e më agresive në rajon, duke shkatërruar grupe pro-demokracisë në Hong Kong dhe duke goditur pakicat myslimane në Xinjiang. Tani është shtuar frika se shteti autoritar do ta kthejë fuqinë ushtarake në Tajvan, teksa kërkon të ribashkojë ishullin nën Presidentin e përjetshëm Xi Jinping.