Siç kemi raportuar në Maqedoninë e Veriutv sot është kryer një operacion i rrallë ku një 27-vjeçari iu transplantua zemra e një vajze e cila ndërroi jetë si pasojë e një aksidenti në Maqedoninë e Veriut, por familja e saj vendosi që zemrën t’ja dhurojë 27-vjeçarit.
Ministri i Shëndetësië Venko Filipçe ka publikuar një foto të stafit që kreu ndërhyrjen. Mjekët shihen duke u përkulur në shenjë mirënjohje para trupit të pajetë të vajzës, zemra e së cilës shpëtoi një tjetër jetë.
“Foto historike e mjekëve që përkulen përpara vajzës së, familja e së cilës vendosi të dhurojë organet e saj. Jeta e saj u shua në mënyrë tragjike, por zemra e saj shpëtoi një tjetër jetë të re. Nuk ka fjalë për të shprehur mirënjohjen ndaj familjes. Nuk ka fjalë për të shprehur altruizimin dhe përmasën e aktiti të dhurimit të organeve. Në momente të një dhimbeje të madhe, të merret vendim për dhurim të organeve është përcaktimi i humanitetit”, ka shkruar Ministri i Shëndetësisë.