Një ngjarje e rëndë është regjistruar në Francë, ku një vajzë 8-vjeçare është rrëmbyer këtë javë nga katër burra. Ngjarja ndodhi të martën ndërsa ditën e sotme katër burrat janë arrestuar nga policia. Dyshohet se e gjithë ngjarja ishte e planifikuar dhe e urdhëruar nga e ëma e 8-vjeçares dhe se rrëmbimi u është kërkuar nëprmjet internetit. Tre prej burrave u paraqitën në shtëpinë e gjyshes së Mias për të rrëmbyer vajzën dhe për t’ia dorëzuar nënës së saj 20 minuta më vonë, ndërsa një i dyshuar priste në makinë, dy iu afruan gjyshes së vajzës në zonën Vosges të Francës lindore me pretendimin se ishin oficerë të mbrojtjes së fëmijëve, tha prokurori Heitz.
Në kontrollin e një prej të dyshuarve janë gjetur prova se ka pasur plan për të bërë rrëmbimin. Asnjë dhunë nuk u përdor në rrëmbim, por një kontroll i veçantë në shtëpinë e një të dyshuari tjetër gjeti materiale që mund të përdoreshin për të bërë eksplozivë, thanë autoritetet. Kanali i lajmeve BFMTV raportoi se të katër po hetoheshin gjithashtu nga prokurori anti-terror për pretendimin e konspiracionit terrorist. Kujdestaria e Mia-s iu dha gjyshes së saj nga nëna janarin e kaluar pasi nëna e saj thuhet se i tha një gjykatësi të familjes se donte të “jetonte në kufijtë e shoqërisë”. Prokurorët thanë se ajo më parë kishte shprehur dëshirën për të shitur banesën dhe për të jetuar në një shtëpi motorike “nën radar”.
Burimi: pattayaone.news |Përktheu dhe Përshtati: JOQ Albania
